Një vajzë adoleshente ka mbetur e vdekur tragjikisht gjatë një xhiro në lojërat që krijojnë adrenalinë duke u ngjitur në një lartësi të konsiderueshme. Ngjarja ndodhi në parkun e lojërave në “Hayrola Luna Park” në Stamboll, ndërsa familjarët panë momentin tragjik kur 19-vjeçarja është mbytur me të vjellën e saj.
Gjatë raportimit për mediat vendase familjarët bëjnë me dije se kanë njoftuar punëtorin për ta ndalur lojën por ai nuk e mori seriozisht. Gunay, e cila ëndërronte të bëhej psikologe, kishte shkuar në park teksa priste rezultatet e provimeve. Një foto e fundit e saj nga kamerat e sigurisë e tregonte vajzën me maskë të bardhë fytyrë, veshje tradicionale hixhab gri, teksa priste për nisjes e lëvizjes.
Gunay më pas kishte humbur ndjenjat gjatë lëvizjes së makinerisë dhe volli. Gunay u dërgua më pas në spital me një ambulancë, ku u shpall e vdekur. Familjarët besojnë se vajza humbi jetën nga neglizhenca dhe zotohen se do të bëjnë gjithçka për të bërë drejtësi. Pretendimet e familjes së Gunay po hetohen nga policia.
