Kryeministri Edi Rama tha sot se kantieri i ujit në Selenicë do të garantojë 24 orë ujë të pijshëm e me cilësi për 7 660 banorë të Selenicës dhe fshatrave Kotë dhe Armen.
“Janë realizuar 75% e punimeve për të përmbyllur në muajt e parë të 2021, këtë investim të rëndësishëm për banorët e këtyre zonave”, tha ai.
Ujësjellësi i Selenicës aktualisht furnizon me 2-3 orë ujë në ditë banorët e Armenit, me 4-5 orë në ditë banorët e Kotës dhe 1-2 orë në ditë për 50% të banorëve të qytetit të Selenicës.
Objekti i këtij investimi është 1 pusshpim i ri, 18.6 km rrjet i ri i brendshëm, 0.9 km linjë e re dërgimi, dhomë klorifikimi, elektropompa zhytëse, 100% instalim i ujëmatësave dhe 24 orë ujë të pijshëm me cilësi./atsh
Loading...
