Një ngjarje e pazakontë ka ndodhur në Georgia, ku një 12 vjeçare ka humbur jetën nga një dhimbje e tmerrshme që i është shkaktuar nga prania e morrave në kokë.
Mediat e huaja bëjnë me dije se e mitura Kaitlyn Yozviak vdiq nga një sulm në zemër dhe anemi muajin e kaluar, ndërsa hetuesit besojnë se vajza kishte nivele shumë të ulëta të hekurit në gjak e shkaktuar nga infektimi me morra i vajzës, të cilat potencialisht mund të kenë shkaktuar dy pasojat e rënda shëndetësore.
12 vjeçarja vdiq pasi u rrit në një shtëpi të mbushur me mace, jashtëqitje, buburreca dhe morra. Një punonjës social tha se neglizhenca që vajza pësoi ishte më e keqja që kishte parë ndonjëherë. Nëna e Kaitlyn, Katie Horton dhe babai Joey Yozviak mund të përballen me akuza për vrasje pasi një juri e madhe u caktua të dëgjonte çështjen e tyre të hënën.
Ndërkohë agjentët e Byrosë së Hetimit thanë se Kaitlyn kishte pësuar ‘dhimbje të tepërt fizike për shkak të neglizhencës mjekësore’. Kaitlyn ishte pothuajse e dhënë për birësim gjatë lindjes kur shërbimet sociale filluan të hetonin një akuzë të veçantë kundër prindërve të saj, por ata përfundimisht vendosën ta mbanin atë.
Punonjësit socialë u thirrën në mënyrë të përsëritur në shtëpinë e ndyrë të familjes dhe e vendosën Kaitlyn me tezen e saj për gjashtë ditë pasi një thirrje 2018 zbuloi kushte të tmerrshme në shtëpi. Ajo u kthye te prindërit e saj ditë më vonë, ndërsa familja nuk kishte më kontakte me zyrtarët deri në vdekjen e saj muajin e kaluar.
Nëna e Kaitlyn u tha hetuesve se vajza e vogël nuk ishte larë gjë që çoi në vdekjen e saj të parakohshme. Trupi i vajzës u gjet afër një dysheku të mbuluar me parazitë.
