Në emisionin “E diell” në rubrikën “N’fermë”, këtë puntatë ishin të ftuar ish-deputeti Ervin Salianji, moderatorja Vjola Spiro dhe këngëtarët, Kozma Dushi dhe Mariza Ikonomi.
Ndryshe nga Mariza dhe Kozmai të cilët u angazhuan si veterinerë, Vjola dhe Ervini e kaluan ditën duke pastruar stallën e lopëve.
Teksa ishin duke punuar, Vjola i thotë Ervinit se përse gjithmonë vetëm bërtet e shan, duke iu referuar këtu daljeve të tij publike.
Salianji tha se e bën këtë gjë sepse kur thotë 100 gjëra të mira nuk dëgjohet nga njerëzit, ndërsa kur thotë diçka të gabuar ajo mbahet mend.
Vjola Spiro: Ti gjithmonë të gjitha me negativitet i merr, e sheh të zezën kudo, çfarë ke kështu?! Sepse e kam parë edhe te daljet e tua, vetëm bërtet, shan.
Ervini Salianji: Është kështu mo, kur thua 100 gjëra pozitive nuk të dëgjojnë njerëzit, nëse thua një gjë negative të mbetet dhe mbetet kjo.
Vjola Spiro: Ti je roli i keq i filmit?
Ervini Salianji: Po, por ndryshon.
