Themeluesi i Microsoft, Bill Gates ka folur sërish për pandeminë e koronavirusit, këtë herë me me një parashikim tjetër për përfundimin e tij.
Sipas miliarderit Gates, situata e Covid-19 nuk do të ketë përfundim nëse nuk ka një vaksinë super-efektive. Gjendja në normalitet do të kthehet nëse virusi do të zhduket komplet.
“Fjala kurë është e papërshtatshme sepse nuk do të funksionojë për të gjithë. Por nga të gjithë terapeutikët, kjo është më premtuesja.
Bota nuk do të kthehet në normalitet derisa të ketë një vaksinë që është super-efektive dhe që shumë njerëz duhet ta marrin.”
Ky është parashikimi i dytë i Gates pas atij që bëri në shtator të këtij viti ku tha se jeta do të kthehej në normalitet në verën e vitit 2021 pasi deri atëherë mund të kishte përfunduar vaksina.
