Të paktën 7 viktima janë shënuar gjatë këtyre 24 orëve të fundit me COVID-19.
MSH deklaroi sot se me gjithë përpjekjet e mjekëve, në 24 orët e fundit, kanë humbur jetën 7 qytetarë me Sars Cov2 pozitiv në 2 spitalet Covid.
Por viktimat nuk janë vetëm të moshuar, ndonëse humbjet më të mëdha janë në radhët e tyre.
Sipas MSH, një 34-vjeçar me sëmundje bashkëshoqëruese ka humbur jetën nga COVID-19.
Po kështu nuk kanë mundur të fitojnë betejën dhe një 44-vjeçar pa sëmundje bashkëshoqëruese, një 66-vjeçar nga Tirana, një 48-vjeçar nga Pogradeci, një 68-vjeçar nga Korça, një 68-vjeçar nga Elbasani dhe një 81-vjeçar nga Fieri me sëmundje bashkëshoqëruese.
Sot u raportuan 241 raste të reja në 24 orët e fundit, teksa numri i të shtruarve në spitale ka shkuar në 319.
