Joe Biden është Presidenti i ri i SHBA-së, pasi mposhti Donald Trump, edhe pse ky i fundit nuk e pranon humbjen. Por për shumë njerëz kuriozë, tashmë vëmendja është zhvendosur në detaje të tjera, mes të cilave, sa do të paguhet?
Presidenti amerikan merr një pagë prej 400,000 dollarësh në vit.
Por, katër presidentë kanë refuzuar marrjen e pagës duke e dhuruar të gjithë ose një pjesë të saj. Këta president janë: Donald J. Trump, John F. Kennedy, Herbert Hoover dhe George Washington.
Joe Biden së pari kandidoi për President të Shteteve të Bashkuara në 1988, pastaj përsëri në 2008 përpara se të shërbente si Zëvendës President nën Presidentin Obama dhe pastaj të mposhte me sukses Presidentin Trump në vitin 2020.
Herën e tretë me fat. Për më tepër, kur të betohet, Biden do të jetë presidenti më i vjetër i SHBA-ve i të gjitha kohërave.
