Nje vit pasi tronditi me historinë e jetës, një 42-vjecare në kërkim të vajzës që e lindi e vetme në dhomën e një hoteli në Durrës, për hërë të parë në emisionin ’Pa Gjurmë’ në Report TV përballet live me Morena Lekën, e cila pretendon se është ajo vajza që u lind 23 vite më parë.
Me buzën që i dridhej dhe zemrën që i rrihte fort 42-vjecarja mëson se kush kishte trokitur në program, për të qenë bashkë me të në të njëjtën studio. Bora (emër i vendosur nga redaksia) mbeti shtatzënë nga tutori i saj, ndërsa lindi një vajzë më 26 korrik të vitit 1997, të cilën nuk e pa që nga ajo ditë.
Gjatë kërkimeve që nisën një vit më parë stafi i emisionit ’Pa Gjurmë’ mësoi se vajza ishte rritur nga halla e saj, por që më tej nuk dihej se ku përfundoi ajo, ç’ka vështirësoi edhe punën e kërkimeve. Më tej mësuam se se babai biologjik i vajzës jeton në Itali me familjen e tij, por pa vajzën që Bora lindi. Stafi ’Pa gjurmë’ u kontaktua nga një vajzë 23-vjecare e birësuar në një qytet nga veriu i Shqipërisë, e cila zbulon detaje të tjera tronditëse.
Odeta Dume: Dikush erdhi trokiti në studion tonë
Bora: Kush?
Odeta Dume: Unë do ta ftoj në studio, ju do e shikoni vetë se kush është. Do ti bëjmë pyejtje bashkë. Mund të jetë vajza juaj ?
Bora: Ishalla
Odeta Dume: Mund të jetë një person që vjen këtë pasdite për të na treguar se ku ndodhet vajza juaj? Kaq shumë emocione ke?
Bora: Po shumë?
Morena Leka ndodhej në regji gjatë kohës, që Bora nuk ishte në dijeni për këtë surprizë, ndërsa vetë dridhej e gjitha. 23-vjecarja hyn në studio duke treguar versionin e saj, sesi zbuloi 10 vite më parë se ishte një vajzë e birësuar. Ajo tregon disa të dhëna, që e cuan tek personi me inicialet A. Gj, për të cilin thotë se është babai i saj biologjik. I njëjti person që pasi e trafikoi, e la edhe shtatzënë 42-vjecaren.
‘Unë jam Morena nga veriu i Shqipërisë. Arsyet pse jam këtu dihet. Dyshimet e mia se jam një fëmijë i birësuar lindën 10 vite më parë, por në pamundësi absolute për të pasur informacion, heshta. Deri kur u dha emisionin juaj, për fatin tim të mirë dhe fatmirësisht edhe ju nuk keni reshtur së kërkuari, dëgjova një detaj, që vajzës i është prerë kërthiza vetë. Ky fakt përkon me mua, pasi dhe kërthiza ime është ndryshe nga e njerëzve të tjerë, ky është detaji i parë kryesor. Dyshoja për të vërtetën pavarësisht që prindërit e mi birësues nuk ma kanë treguar. Një mik i imi i cili kishte parë emisioni dhe që është hetues, kuptoi një të vërtetë. Kur pyeta nënën dhe i kërkova një foto kur isha e vogël, por ajo nuk e kishte. Më në fund nëna birësuese e pranoi realitetin se më kishte marr nga jetimorja e Durrësit, gjë që u lidh me historinë në fjalë’, rrëfen 23-vjecarja
23-vjecare zbulon një tjetër detaj të rëndësishëm për babain birësues, c’ka e lidh fort me ngjarje të ngjashme, me ato të gruas për të cilën Morena pretendon se është nëna e saj biologjike. Morena ka zbuluar se babai i saj birësuar ka një miqësi të vjetër me babain e saj biologjik me inicialet A.Gj, madje se mbase të dy ishin pjesë e një rrjeti prostitucioni që operonte në Itali.
‘Babai birësues më ndihmoi me disa informacione që për hir të së vërtetës janë shumë tronditëse dhe nuk do doja t’i bëja publike. Pasi vërtetë unë jam në hall, por nuk dua që halli të më mposhtë arsyen. Nja fakt tjetër që më con në provë është se edhe nëna ime birësuese, mund të kishte patur të njëjtin fat me nënën biologjike, po të mos kishte e qenë gjyshi.
Personat në fjalë bashkë me babain birësuese me inicialet Gj.Gj dërguan nënën drejt Vlorës, për ta trafikuar por nuk ia dolën. Unë i ngjaj gjyshes sime. I kam takuar të gjithë edhe babain biologjik edhe vëllezërit e tij. Fakti i miqësisë së vjetër mes babait birësues dhe atij biologjik më bëjnë të besoj se Bora është nëna ime biologjike.
Unë e kam takuar babain biologjik. Ai gjithnjë më thoshte hajde tek xhaxhi. Emrin e atij personi e dëgjoja më shumë se cdo njeri tjetër dhe thoja kush është ky njeri. Unë kam patur një emër tjetër deri në moshën 3 vjecare, pastaj ma ndryshuan për shkak të rrethanave. Familjarët e personit A.Gj i kam njohur të gjithë. Kam patur kontakt. Ata më kanë thënë se jam mbesa e tyre. I pyeta se ishin ata që më kishin dhënë tek kjo familje. Ata e pohuan, madje se deri në moshën 3 vjecare ata vinin më vizitonin në jetimore.
Madje një nga 3 vëllezërit e babait ka ardhur në shtëpinë time në vitin 2003, me motor gri. Babai im biologjik ka investuar shumë për mua deri së fundmi. Edhe për shkollën time bashkë me tre vëllezërit e tij. Kemi shumë gjëra për të biseduar. Familja birësuese i përket besimit katolik, por kurrë nuk e kam ndjerë vetën tek ai besim, doja të kthehesha në myslimane, mesa duket paska qenë gen. Unë shkoja gjithnjë në xhami dhe përqafoja Kuranin duke u lutur që të gjeja nënën biologjike’, trondit 23-vjecarja.
Odeta Dume: Si ke marrëdhëniet sot me babain birësues ?
Morena Leka: Marrëdhënie korrekte, njërëzore. Jo më të ngushta sepse nuk ua kam thënë nuk po kërkoj prindërit, Unë po kërkoj thjesht identitetin tim. Dhe falë jush po i shkojmë deri në fund.
Odeta Dume: Ndoshta analiza e AND-së do ta verifikojë totalisht.
Morena është e divorcuar dhe ka një vajzë 2 vjece. Pas ndarjes së prindërve, ajo sot jeton më nënën birësuese, me të cilën nuk ka marrëdhënie shumë të mira. Ajo është tjetërsuar, që pas kërkesës së 23-vjecares për të gjetur nënën biologjike. Bora në studio mbeti e shokuar, teksa dëgjon këtë rrëfim të Morenës mbushet në lot.
Bora: Jam e gëzuar që është mirë.
Morena: Vetëm dua ta shikoj.
Bora: Vetëm desha të dija që është mirë. Nuk e di cfarë të them. Shpresoj të jetë vajza ime.
42-vjeçarja rrëfeu një vit më parë dashurinë që pati me djalin durrsak, premtimet se do të bënte një jetë si në përralla deri tek trafikimi për qëllime prostitucioni në Puglia të Italisë. U shfrytëzua barbarisht nga ai, i cili e nxorri në rrugë deri 8 muajshe shtatzënë.
‘U trafikova nga një person nga Durrësi me inicialet A. GJ. Me të mbeta shtatzënë në target në muajin nëntor. Kur isha 8 muajshe kthehem në Shqipëri ku më priti vëllai i babait të fëmijës. Kam jetuar vetëm në një hotel në Durrës për një muaj. E linda vajzën krejt e vetme vajzën dhe kërthizën ia preva vetë, por pas 2 orëve e gjysëm erdhën ma morën, rreth orës 5 të pasdites. Që nga ai moment nuk mora vesh cfarë ndodhi me vajzën. Unë nuk kisha mbështetje që të mundja ta kërkoja. Babai biologjik në atë kohë ndodhej në burg, në Itali. Vëllai ishte ai që priti sa unë linda më 26 korrik të vitit 1997 dhe ma morën.
Në fund të muajit mbërrita në Itali. Atje arrita të largohesha. Një shtetas italian më ndihmoi, me të unë nisa një jetë të re. Jam martuar me të dhe ai e din që unë kam një vajzë. Kisha frikë të interesohesha. Nuk doja të shkoja ti takoja ato persona, vajzën doja ta gjeja. Burri më tha që nëse don ta kërkosh, kërkoje, le ta provojmë. Pyeta dikë që njihja dhe më tha se vajzën e kanë lënë në shtëpinë e fëmijës në Durrës. Ai më tha se është birësuar dhe duhet të prisja derisa vajza të mbushte 18 vjec’, rrëfeu për ’Pa Gjurmë’ Bora, 42-vjecarja e trafikuar.
Me rikthimin në Itali, ajo mundi t’u shpëtojë nga duart tutorëve, ndërsa u ndihmua nga një klient italian. Ajo u martua një vit pasi lindi vajzën, ndërsa sot është nënë edhe e një djali 19 vjec.
