Një grua e cila i ka mbijetuar dhunës seksuale gjatë luftës në Kosovë, ka rrëfyer se si kishte provuar të vetëvritej pas dhunës që kishte përjetuar nga forcat serbe.
“Edhe pse kam qenë e shkolluar, mua ma kanë humbur edhe kujtesën edhe shkrim-leximin. Deri vonë nuk kam ditur as nënshkrimin për ta shkruar. Në stacion më patën lidhur serbët e më thonin gjeje Adem Demaçin, a e keni dikë në UÇK? Pastaj më pyesnin serbisht për gjarprin, unë nuk e dija për kë është fjala, tash e di që ka qenë Thaçi”, ka treguar ajo në Kanal10.
Tutje, ajo ka treguar se si pas përfundimit të luftës, ishte munduar dhjetë herë të bënte vetëvrasje.
“Dhjetë herë jam munduar të bëj vetëvrasje. E kemi pasur një bunar në oborr, dhjetë herë më ka zënë nëna duke dashur të kërcej. Sa herë doja të kërcej në bunar, e dëgjoja zërin e saj e si u kthesha në shtëpi më thoshte ‘a ishe te bunari a?’. Sikur ia ndjente zemra se po ndodhte diçka”, ka thënë ajo.
E mbijetuara e dhunës seksuale ka treguar se pas një kohe, vëllai i saj e kishte mbyllur bunarin që kishin pasur në oborr, për ta penguar të kryente vetëvrasje
