Zbulohet një planet i ri pranë nesh. Ai ngjason me një kometë, pasi ka një bisht të gjatë, ndodhet 124 vjet dritë larg nesh dhe ka një atmosferë shumë të pasur me helium.
Ky trup qiellor ngjan me një top të fryrë, që duke orbituar rreth yllit mëmë gradualisht shfryhet, duke çliruar në hapësirë një bisht të gjatë nga gazi që përmban atmosfera e tij.
Zbulimi është përshkruar në revistën “Science” dhe është realizuar nga një grup ndërkombëtar astronomësh të koordinuar nga Universiteti i Gjnenvës.
Planeti është pagëzuar me emrin WASP-69b, ka përmasat e Neptunit, ka një temperaturë shumë të lartë dhe ndodhet në yjësinë e Mjelmës.
Orbiton përreth yllit të tij në një distancë 20 herë më të vogël se ajo e Tokës me Diellin dhe falë kësaj distancë kaq të afërt shpjegohet edhe reja e gazit që e rrethon.
Heliumi, duke qenë elementi i dytë më i përhapur në hapësirë pas hidrogjenit, shfryhet jashtë planetit me një shpejtësi rreth 10 mijë km në orë nga radiacionet e yllit mëmë, shpjegojnë ekspertët. Klan Plus
