Studentët sot kanë hyrë në ditën e 8-të të protestës duke u shprehur të bindur se nuk do të hyjnë në dialog me qeverinë pa miratuar më parë shqetësimet e tyre me 8 pika.
Pas Tiranës, Gjirokastrës, Elbasanit, Durrësit, Korçës, Vlorës, sot në protestë kanë dalë edhe studentët e Universitetit “Luigj Gurakuqi”, të cilët kanë kërkuar që protestës t’iu bashkohen edhe gjimnazistët e metropolit verior.
Gazetari Senad Nikshiqi raportoi për “BalkanWeb” se një pjesë e studentëve janë nisur drejt Tiranës për t’u bashkuar me bashkëmoshatarët e tyre, ndërsa një pjesë tjetër vijon të qëndrojë në rrugë.
Ndërkohë mësohet se gjimnazistët e Shkodrës janë kërcënuar nga mësuesit dhe për këtë studentët e “Luigj Gurakuqit” kanë rrethuar gjimnazin “28 Nëntori” duke shpërthyer në kor me fjalët: Turp!
(n.m/BalkanWeb)
