Në fakt, kryeministri Rama mbrëmë në “Top Show” e paralajmëroi një lëvizje të tillë, duke iu referuar faktit se në borde ka përfaqësues të qeverisë dhe që sipas tij, nuk e kanë bërë punën si duhet. Kryeministri nuk hezitoi të thoshte se është i zhgënjyer prej tyre, aq kohë sa situata me studentët arriti deri këtu.
“Po të jetë për mua, unë i shkarkoj të gjitha’, tha Rama dhe duket se mënjeherë sot e ka vënë në zbatim atë që deklaroi, raporton newsbomb.al.
Ndërkaq, protesta e studentëve vijon sot në ditën e tetë, por në ndryshim nga ditët e mëparshme studentët janë ndarë sot në dy grupe. Njëri grup vazhdon të protestojë përpara minitrisë së Arsimit, ndërsa një grup tjetër janë stacionuar para Kryeminitrisë, ku një pjesë e tyre kaluan edhe natën aty.
Kryeministri vijon me thirrjet e tij për dialog, ndërsa studentët shprehen të vendosur se nuk ka negociata por të plotësohen kërkesat e tyre./Newsbomb.al/
