Stuhia Filomena ka zbardhur një pjesë të madhe të Spanjës. Gjysma e vendit është në gjendje alarmi këtë të shtunë.
Bora në Madrid, një nga zonat më të prekura, pritet të arrijë 20 cm dëborë në 24 orët e ardhshme.
Aeroporti i qytetit është mbyllur së bashku me një disa rrugë.
Të premten në mbrëmje, disa automjete u bllokuan në një autostradë pranë kryeqytetit.
Zjarrfikësit u thirrën për të ndihmuar shoferët që ishin bllokuar. Në disa zona u ndërhyrja e ushtrisë për të ndihmuar në pastrimin e rrugëve.
Autoritetet u kanë kërkuar njerëzve që të shmangin udhëtimet jo-thelbësore.
Sipas mediave lokale, reshjet e borës në Madrid janë më të rëndat në të paktën 40 vjet. Agjensia e motit në vend tha se reshjet e borës ishin “të jashtëzakonshme dhe historike“.
Shumë banorë shfrytëzuan dëborën e rrallë, duke ecur nëpër sheshin Puerta del Sol të Madridit.
Parqet e mëdha në Madrid u mbyllën si masë paraprake, raporton agjencia e lajmeve AFP.
Moti i ftohtë pritet të vazhdojë edhe pas fundjavës me temperaturat në Madrid që parashikohet të arrijnë -12C të enjten, citon top channel, referuar bbc.
