Vijon misteri për zhdukjen e biznesmenit italian Davide Pecorellit makina e të cilit u gjet e djegur në Pukë javën e parë të Janarit.
Mediat italiane shkruajnë se zv. prokurori i Perugias Giuseppe Petrazzini ka marrë në pyetje partneren e tij shqiptare për të mësuar cilat ishin kontaktet e tij të fundit apo çfarë po bënte ai në Pukë.
Ai kërkon të rindërtojë me saktësi të gjitha lëvizjet e tij, veçanërisht ato të 5 Janarit.
Autoritetet italiane po përpiqen të kuptojnë cilat ishin miqësitë e tij në Shqipëri dhe kontaktet që kishte arritur të krijonte, mbi të gjitha gjatë muajve të fundit.
Mbetet gjithashtu për të qartësuar situatën financiare të ndërmarrjeve të Pecorelli-t, për të kuptuar më mirë arsyet e udhëtimeve të shpeshta mes Alta Valle del Tevere dhe Tiranës.
Nga Shqipëria nuk ka lajme të reja, ndërkohë që përgjigja e ADN-së është shtyrë më të paktën 1 javë. Për disa ditë policia shqiptare ishte e bindur se pista kryesore ishte ajo e vetëvrasjes.
Në të vërtetë, motivacionet e hetuesve në Tiranë nuk i kanë bindur kolegët në Perugia, thonë mediat fqinje, që pritet të analizojnë çdo detaj.
Prokuroria italiane deri më tani është mjaftuar vetëm me hapjen e një hetimi që ka dy pista: zhdukjen e qëllimshme ose vrasje.
Para se të nisej, Davide i i kishte treguar një miku se do të takohej në Shqipëri me një mjek për të provuar të shiste një lazer të gjeneratës së fundit.
Një marrëveshje nga e cila do të merrte 70 mijë euro. Sipas medias italiane policia shqiptare nuk di asgjë për këtë takim.
