Numërimi i votave në Kosovë përfundoi sot, ku Lëvizja Vetëvendosje e Albin Kurtit fitoi bindshëm plot 47, 86% të votave, me një fitore historike
Ndiqet nga partia e Kurtit, PDK, me 17, 41% të votave, më pas LDK-ja me 13, 08%, AAK 7,43%,dhe Nisma Socialdemokrate 2,60%.
Humbja nga këto parti u pranua që ditën e djeshme, ndërsa kujtojmë se Isa Mustafa dha dorëheqjen.
Mustafa deklaroi për mediat se nuk e priste rezultatin e dobët në zgjedhje, ndërsa shtoi se LDK së shpejti do të ketë kryetarin e saj të ri, dhe do të mobilizohet për t’u rikthyer fuqishëm. Pas dorëheqjes së Mustafës, kryesia e LDK në bllok ka paraqitur dorëheqjen. Lajmi u bë me dije nga nënkryetari i LDK Lutfi Haziri.
Humbjen e pranoi edhe Enver Hoxhaj, lideri i PDK-së, duke uruar Albin Kurtin, e duke theksuar se nuk do të jetë në qeverinë e re.
Nga ana tjetër, AAK e Ramush Haradinajt është shprehur e gatshme për të qenë në koalicionin qeverisës.
