Duket se mes qeverisë dhe Universitetit të Tiranës ka shpërthyer një luftë. Reagime të forta vijnë nga të dyja palët, ndërsa në mes ndodhen studentët që protestojnë për 10 ditë me radhë pavarësisht kushteve atmosferike.
Kryeministri Edi Rama i është përgjigjur ashpër deklaratës së Rektorit të Universitetit të Tiranës Mynyr Koni.
Kreu i qeverisë ka shpërthyer madje në epitete fyese ndaj Konit duke paralajmëruar shumë shpejt do të jet auditor më auditor për t’u përballur, nëse sipas tij do ketë kurajë.
“Zoti Rektor i UT, unë e mëshiroj pafytyrësinë Tuaj të dyfytyrtë dhe reagimin Tuaj tipik për burrat rrëshqanorë! Sidoqoftë, unë shumë shpejt do të jem auditor më auditor, ku shpresoj të keni kurajon të m’i thoni në sy veshëgjatësitë e shkruara në reagimin Tuaj që flet vetë për Ju😊”, shkruan Rama.
Rama Per Konin
Rektori Koni tha sot se është shumë e kuptueshme arsyeja dhe qëllimi i gjithë çfarë është bërë gjatë këtyre ditëve në adresën e tij dhe që në fakt ka filluar shumë kohë më parë sipas tij.
Ai tha se akuzat e kryeministrit tregojnë qartë se nuk e njeh ligjin e arsimit të lartë 80/2015. Sipas Konit, arsyeja që luftohet është pikërisht njohja shumë e mirë e ligjit të arsimit të lartë, përgjegjshmëria e lartë dhe përkushtimi në punë si dhe mosbërja palë në interesa të caktuara.
Ndërkohë dje kryeministri zhvilloi një takim me rektorët dhe dekanët ku nuk kurseu një ‘dush të ftohtë’ për ta, duke e shkarkuar një pjesë të përgjegjësisë për gjendjen e studentëve tek ta.
(BalkanWeb)
