Pushimet e pranverës janë një nga momentet më të pritura nga studentët amerikanë, të cilët gjatë kësaj periudhe dynden në plazhet e Floridës. Por këtë herë, kur bota është pushtuar nga pandemia, situata është krejtësisht ndryshe. Megjithatë, mijëra të rinj nuk u janë bindur thirrjeve të autoriteteve dhe kanë mbushur plazhet të premten.
Në këtë situatë të krijuar, autoritetet kanë marrë vendimin të mos lejojnë asnjë të ri nën 23 vjeç të futet në Florida nga shtetet e tjera, si një masë për të kufizuar sa të munden numrin e personave në plazhe.
Megjithatë, grupet e mëdha me studentë ishin të shumta të premten. Ata mbushën plazhet, baret dhe restorantet në Florida. Disa qytete synojnë të vendosin kufizime të mëtejshme pasi i frikësohen një goditje të rëndë nga koronavirusi, siç ndodhi vitin e kaluar kur Covid-19 sapo kishte mbërritur në SHBA.
Shifrat e ditëve të fundit kanë qenë inkurajuese për Shtetet e Bashkuara, një prej vendeve më të goditura nga pandemia. Numri i përgjithshëm i shtrimeve në spital ka rënë ndjeshëm.
