Të jesh i varur pas ëmbëlsirave, nuk është një ves, por tregon se keni një problem. Nëse vjen një moment që nuk i rezistoni ushqimeve me sheqer, mos e merrni si neps, apo vetëm si stres.
Ju mund të keni probleme në sheqerin në gjak. Shumica e dëshirave për sheqer rrjedhin nga një çekuilibër i sheqerit në gjak. Çelësi për të ekuilibruar nivelet e sheqerit në gjak është të hani ushqime që lëshojnë insulinë ngadalë: fibra në kombinim me proteina dhe yndyrna të shëndetshme.
Mbase ju jeni duke nënvlerësuar lëndët ushqyese thelbësore. Nëse dieta juaj nuk ka perime, proteina të shëndetshme dhe yndyrna, por është e pasur me karbohidrate, nuk është çudi që ju dëshironi sheqer. Ndryshe nga sheqeri, yndyrnat dhe proteina të shëndetshme sigurojnë forma të ngadalta dhe të qëndrueshme të energjisë. Proteinat kanë indeks të lartë të ngopjes dhe zvogëlojnë urinë dhe dëshirat, ndërsa aminoacidet ndihmojnë në ndërtimin e kimikateve të trurit si dopamina. Gjithashtu, duhet të hani të paktën 25-30g fibra! Ngadalëson tretjen dhe stabilizon nivelet e sheqerit në gjak. Përveç kësaj, nëse dieta juaj është e dobët, ju me siguri jeni të privuar nga hekuri, nivelet e ulëta të së cilës ulin energjinë dhe intensifikojnë dëshirat. Më në fund, vitaminat B shpesh shterojnë nga konsumi i sheqerit dhe stresi! Ata parandalojnë dëshirat!
Sinjalet SOS të stilit të jetës. Disa dëshira burojnë nga truri juaj. Stresi shkakton çlirimin e hormonit të kortizolit, i cili çliron glukozën nga mëlçia juaj dhe rrit sheqerin në gjak. Luhatjet e sheqerit në gjak shkaktojnë dëshira të mëdha. Nëse jeni i privuar nga gjumi, truri juaj merr energjinë nga ushqimi për të luftuar lodhjen.
