Momenti kur një fëmijë migrant që qante iu afrua policisë kufitare në SHBA pranë kufirit Meksikë-SHBA në Teksas duke i kërkuar ndihmë është bërë viral në internet.
“Unë po vija me një grup dhe ata më braktisën. Nuk e di se ku janë,” i tha fëmija oficerit.
Djali është një nga qindra fëmijë të braktisur që përpiqen të kalojnë kufirin çdo ditë.
Statistikat e publikuara nga qeveria zbuluan se 171.000 migrantë u kapën nga autoritetet amerikane në kufi në muajin mars, numri më i lartë mujor në dy dekadat e fundit.
Totali përfshin rreth 19.000 fëmijë migrantë të pashoqëruar dhe 53.000 anëtarë të familjeve që udhëtojnë së bashku.
Totali i arrestimeve në mars në kufirin SHBA, në Meksikë përfaqëson nivelin më të lartë mujor që nga prilli i vitit 2000 kur agjentët e patrullimit të kufirit kapën më shumë se 180,000 migrantë.
Presidenti Joe Biden muajin e kaluar emëroi Nënpresident Kamala Harris për të udhëhequr përpjekjet e administratës në gjetjen e një zgjidhjeje afatgjatë për krizën e saj të imigracionit.
Në videon e djalit që kërkon ndihmë, agjenti pyet: ‘Ju nuk e dini se ku ndodhen? Ata të lanë vetëm? ‘
Fëmija i tronditur, duke luftuar për të ruajtur qetësinë e tij, dyshohet se ishte dërguar në Shtetet e Bashkuara nga prindërit e tij, të cilët nuk ishin pjesë e grupit të migrantëve me të cilët ai kishte udhëtuar.#
”Në fund ata më braktisën. Unë kam ardhur këtu për të të kërkuar ndihmë, ” tha djali i frikësuar.
Agjenti e pyeti djalin nëse ishte udhëzuar ‘të vinte të kërkonte ndihmë’, por fëmija u përgjigj, ‘jo, unë po vij sepse nuk kam ku të shkoj. Dikush mund të më rrëmbejë. Kam frike.”
Univision raportoi se fëmija, mosha dhe kombësia e të cilit nuk janë bërë publike nga Dogana e SHBA dhe Mbrojtja e Kufirit, kaloi tërë natën duke udhëtuar nëpër rajonin e Luginës së Rio Grande pas hyrjes së tij të paligjshme në vend.
Shefi i Sektorit të Patrullës Kufitare të El Paso-s Gloria Chavez i tha rrjetit se prindërit duhet të mendojnë për mirëqenien e fëmijëve të tyre sa herë që dërgohen vetëm për të kaluar kufirin e rrezikshëm Meksikë-Shtetet e Bashkuara.
