Një burrë nga Britania fluturoi për në SHBA për t’u martuar me një nga gratë më të trasha në botë dhe tani ai është kujdestari i saj me kohë të plotë. Simon Johnson u njoh me Shannon Lowery në internet dhe me pas u zhvendos në East Yorkshire në Tucson, Arizona. Ai tani i kalon ditët duke u kujdesur për gruan e tij, e cila peshonte 330 kg dhe mezi lëviz nga shtrati i saj.
“Shannon ka nevojë për ndihmë pothuajse për gjithçka, kështu që unë jam bërë kujdestari i saj dhe jam më se i lumtur që kujdesem për të. Nuk ka qenë e lehtë, por unë jam marrë vesh me të”, është shprehur Simon.
Shannon e cila mbush 40 vjeç në Qershor, ka pasur një jetë të trazuar dhe jetoi me shumë të afërm të ndryshëm gjatë viteve. Prindërit e saj u divorcuan kur ajo ishte pesë vjeç. Në moshën 11 vjeç babai i saj dhe njerka u ndanë, gjë që bëri që Shannon të ndihej përsëri e refuzuar. Këto vështirësi ndikuan në stilin e jetesës dhe peshës.
I riu lë Anglinë dhe martohet me gruan amerikane që peshon 330
Ajo peshonte më shumë se 45 kg kur ishte 7 vjeç, 113 kur ishte 13 vjeç dhe në moshën 17 vjeç ajo ishte rreth 204 kg. Shannon thotë se ushqimi ndonjëherë ishte i pakët dhe familja e saj mbyllte frigoriferin për ta mbajtur atë larg.
Ajo shpjegoi: Ushqimi ishte me të vërtetë i pakët dhe ishte me të vërtetë stresuese kur mbaronte sepse isha e shqetësuar se si do ushqehesha prapë dhe gjithmonë fajësohesha që ushqimi mbaronte shpejt. U bë aq keq sa mamaja ime dhe njerku vendosën një zinxhir të madh tërheqës rreth frigoriferit por ata nuk mund të më ndalonin, unë gjithmonë gjeja një mënyrë.
Por jeta e Shannon ndryshoi kur ajo u takua me Simonin në internet. Në moshën 29-vjeç, kur ajo qëndronte gjatë gjithë kohës në shtratin e saj, kënaqej duke lundruar në internet.
“Unë fillova lundroja në internet dhe po takoja njerëz të rinj, kështu e takova dhe Simonin”, u shpreh ajo.
“Unë u takova me Shannon në rrjetet sociale. Përshtypja ime e parë ishte se ajo ishte një grua e bukur. Mbase ishte buzëqeshja e saj. Duket budallallëk, por është e vërtetë, më pëlqeu personaliteti dhe mënyra se si dukej, padyshim. Ajo është një grua e bukur”, është shprehur Simoni.
Ata u martuan dhe u zhvendos në SH.B.A. përgjithmonë në 2011. Vitin e kaluar, Shannon filloi rrugëtimin e saj për të humbur peshë në një përpjekje për të ndryshuar jetën e saj. Ajo kërkoi ndihmën e Dr Younan Nowzaradan, i njohur si Dr Tani i cili është ylli i shfaqjes My 600lb Life.
Shannon shprehet se urren jetën e saj, ajo rri gjatë gjithë kohës shtrirë në shtrat dhe çohet vetëm për të kryer nevojat e saj personale. Bashkëshorti i saj kujdeset për gjithçka, e ndihmon të ngrihet, të ushqehet dhe të shkojë në tualet. Ajo tani shkon në palestër për të humbur kalori dhe shpreson që një ditë të bëjë një jetë normale siç bëjnë të gjithë njerëzit e tjerë.
