Një shtetas grek, 32 vjeç, i akuzuar për vrasje në shtetin fqinj, është kapur në Shqipëri dhe më pas është ekstraduar drejt vendin të tij për t’u gjykuar. Sipas mediave greke, 32-vjeçari, disa ditë pas vrasjes së fqinjit të tij 60-vjeçar dhjetorin e kaluar, u arratisur për t’u fshehur në një fshat në Shqipëri.
Ai u arrestua nga autoritet shqiptare për hyrje të paligjshme në vend dhe deportim në Greqi dhe më pas u dërgua në Drejtorinë e Sigurisë së Atikës, ku u mor në pyetje dhe ka pranuar krimin. Nga kontrolli në shtëpinë e tij u gjet një armë gjahu, me të cilën ai dyshohet se ka qëlluar për vdekje fqinjin e tij.
Sipas informacionit, autori i krimit jetonte në të njëjtën ndërtesë apartamenti me 60-vjeçarin. Ai madje kishte konflikte me gruan e tij, e cila ishte menaxherja e ndërtesës së apartamenteve. Banorët e tjerë të ndërtesës së apartamenteve folën në polici për grindjet mes dy burrave dhe urrejtjen e 32-vjeçarit për viktimën dhe gruan e tij.
Mëngjesin e 23 dhjetorit, ai ndoqi 60-vjeçarin në parkingun e Qendrës Shëndetësore ku punonte dhe sapo doli nga makina e tij, ai e qëlloi atë. 60-vjeçari u gjet i vdekur rreth orës 9 të mëngjesit në makinën e tij nga kolegët, të cilët kishin njoftuar policinë, ndërsa që nga momenti i parë ishte përjashtuar mundësia e vetëvrasjes.
Autori i dyshuar, për të mos u identifikuar, kishte hequr targat nga makina e tij. Sidoqoftë, policia, duke përdorur video nga kamerat e sigurisë, arriti ta identifikonte dhe më në fund ta arrestonte. Gjatë marrjes në pyetje, ai ka pranuar vrasjen. Thuhet se ai kishte thënë se 60-vjeçari i kishte bërë magji, nga e cila po përpiqej të lirohej. Mbrojtja e tij pritet të paraqesë një kërkesë për një ekzaminim psikiatrik të 32-vjeçarit.
