Aplikacioni i njohur për shkëmbimin e mesazheve, WhatsApp i cili tashmë është në pronësi të Facebook, rinisi shërbimet e transferimit të parave midis individëve në Brazil, pasi u bllokua nga banka qendrore gati një vit më pare. Lajmin e ka bërë me dije shefi ekzekutiv Mark Zuckerberg në një video të postuar në rrjetet sociale.
Brazili është vendi i dytë ku aplikacioni i Whatsapp nisi transferimet e parave. Në Indi, tregu më i madh i WhatsApp me 400 milion përdorues, mori miratimin për të filluar shërbimet financiare në nëntor.
Duke përdorur numrat e kartave të debitit ose ato me parapagesë, 120 milion përdorues të WhatsApp në Brazil janë në gjendje t’i dërgojnë njëri-tjetrit deri në 918,27 dollar në muaj përmes shkëmbimit të mesazheve falas. Fillimisht, sistemi nuk do të lejojë që çdo transaksion të tejkalojë 1.84 dollar amerikan ose më shumë se 20 transferime në ditë.
Në qershor, WhatsApp nisi shërbimet e saj të pagesave në Brazil, por banka qendrore e pezulloi disa ditë më vonë duke pretenduar se mund të dëmtonte sistemin ekzistues të pagesave në vend për sa i përket konkurrencës, efikasitetit dhe privatësisë së të dhënave.
Përveç rishikimit të rrjetit të propozuar të pagesave, autoriteti monetar gjithashtu kërkoi që gjiganti i teknologjisë të etiketohej si kompani e shërbimeve financiare në Brazil, duke bërë që Facebook të krijojë një njësi të re të quajtur Facebook Pagamentos do Brasil, e cila tashmë drejtohet nga banka qendrore.Por banka qendrore ende nuk i ka dhënë një dritë të gjelbër pagesat me tregtarët, i cili pritet të jetë një shërbim i paguar, duke shtuar një linjë të re të të ardhurave për ËhatsApp. Vitin e kaluar, pagesat e kartave në Brazil arritën në 368.12 miliardë dollarë, me 8.2% më shumë se 2019.
Bisedimet me Bankën Qendrore janë ende në proces, dhe Facebook pret që fillimi i pagesave të ndodhë këtë vit, duke mos pranuar të komentojë nëse do të jetë një shërbim i paguar. WhatsApp filloi shërbimin e tij të pagesave në partneritet me rrjetet e kartave Visa Inc dhe Mastercard dhe procesorin e pagesave Cielo SA./oranews
