Ambasadorja e Shteteve të Bashkuara në Tiranë, Yuri Kim, nga “Mik Festiva” në ishullin e Maligradit në Prespë ka dhënë sot një mesazh të fortë për reformën në drejtësi.
Teksa ka ndarë përshtypjet për organizimin e festivalit të veçantë nga Ansambli Zánat, ambasadorja Kim është pyetur nga gazetarët për drejtësinë e re.
Ajo s’ka nguruar të shprehë mbështetjen dhe besimin e fortë se reforma në drejtësi po jep rezutlate gjithnjë e më shumë, pavarësisht “pengesave” dhe “cinizmit” të disave.
Ishte magjepsëse të dëgjoja këngë popullore shqiptare të kënduara nga një kapelë nga Ansambli “Zánat” në ishullin Maligrad. Faleminderit @mik_festivali për bashkimin e artistëve dhe artdashësve.
Pas performancës, disa reporterë pyetën nëse kisha shpresë për Shqipërinë dhe çfarë mendoja për reformën në drejtësi dhe të ardhmen. Unë u thashë atyre se kam shpresë të pafund te Shqipëria; që megjithë obstruksionizmin dhe cinizmin e disave, reforma në drejtësi po tregon gjithnjë e më shumë rezultate çdo ditë; dhe se është kritike tani që populli shqiptar të vazhdojë të kërkojë ndryshimin, të vazhdojë të ecë përpara së bashku, të mos dorëzohet kurrë.
Unë kam pasur mundësinë të udhëtoj përreth Shqipërisë dhe të takoj shumë njerëz – nga veriu në jug, malet e bregdet. Bukuria e këtij vendi dhe forca dhe vendosmëria e njerëzve të tij janë frymëzuese. Le të vazhdojmë të ecim përpara së bashku. Le të vazhdojmë të zgjedhim shpresën (e cila kërkon shumë punë) mbi cinizmin (që për mendimin tim është dembel moralisht dhe intelektualisht). Le të vazhdojmë të ndërtojmë të ardhmen… meriton. Do të jetë punë e vështirë, por … do të jemi me ju deri në hapin e fundit.
