Marina Vjollca prej disa javësh është shkëputur nga ekrani dhe në rrjetet e saj sociale poston foto shumë rrallë. Kjo ka cuar në aludime se ajo është në pritje të ëmbël, pasi edhe para pak kohësh ajo postoi një foto u dukej e veshur me një bluzë të gjerë teksa shkruan “Faleminderit Zot”.
Këto aludime i ka shtuar dhe më tej miku i saj i ngushtë, Eraldo Rexha.
Në një intervistë për “Pushime On Top” ai ka zbuluar se në kopertinën e shtatorit të “Revista Who” do të jetë një personazh që pret të bëhet mami.
“Do të kemi në kopertinë një personazh që pret të bëhet mami. Nuk mund të them dot më shumë derisa të vijë momenti i kopertinës. Është bjonde”, është shprehur Eraldo.
I pyetur nga moderatori i programit, Flori Gjini, ai nuk ka preferuar që të zbulojë emrin e bashkëshortit të mamasë së ardhshme, por ka treguar se janë të dy të famshëm.
