Gazetarja Anila Hoxha ka rrëfyer disa detaje nga vrasja e efektivit Saimir Hoxha gjatë ditës së sotme në Lezhë.
Ajo thotë se autori i vrasjes Aldi Rama ka qenë bashkë me dy shokë të tjerë në makinë, Armando Markun dhe Kristian Sherin, kur janë ndaluar për kontroll nga Policia.
Duke iu referuar hetimeve, gazetarja tha se 21-vjeçari nuk ka zbritur nga makina, teksa u ka thënë policëve që nuk është për kontroll dhe më pas ka shkrepur armën, duke lënë të vdekur nënkomisarin Hoxha.
“Policia i ndalon dhe u kërkon mjetin e identifikimt dhe pasagjeri i parë që ishte vrasësi, nuk zbret fillimisht nga automjeti. Polici i kërkon pasagjerit të tretë të zbresë nga makina që të kontrollohej, por edhe ai nuk e përfilli urdhërin e policisë.
“Unë nuk jam për kontroll”, u tha Aldi Rama policëve dhe nxjerr armën e qëllon Saimir Hoxhën, tregon gazetartja Anila Hoxha.
