Pas një pauze katër vjeçare, reality-show, “BigBrother” u rikthye, por tani në një format tjetër, me personazhe të njohura ‘VIP’, deri tani janë larguar tre banorë.
Pas situatës natën e mbrëmshme në shtëpinë e famshme në Shqipëri, ku Donaldi dhe Iliri debatuan me tone të larta, kjo gjë bëri që gjendja shëndetësore e aktores nga Tropoja, Arjola Demiri u përkeqësua duke u detyruar të vinin mjekët.
Ditën e sotme brenda shtëpisë erdhi një zarf, e që në të thuhej se dyshja duhet të luajnë me një top gjatë gjithë kohës por që nuk duhet ta lënë topin të bie asnjëherë në tokë.
Nëse ata arrijnë ta realizojnë këtë dënim për dy orë, atëherë të gjithë banorët do të fitojnë një darkë me fruta deti, por nëse mund ta vazhdojnë deri në katër orë, atëherë të gjithë mund të pranojnë gatime nga familjarët e tyre, e nëse bëhet për 6 orë, atëherë kanë të drejtën të shprehin një dëshirë në dhomën e rrëfimit që “Vëllai i madh” të ua plotësojë.
Para se të binte gongu që të fillonte dënimi për dyshen, në dhomën e gjumit, aktorja Monika Lubonja i tha Ilirit për Donaldin: “Ai është bebush për ty, ai është bebush, kujton që ka fizikun por është bebush”.
Kujtojmë që aktorja nuk ka raporte të mira me Donaldin dhe sot këngëtarja, Fifi i tha asaj që ka parë në ëndërr që do të pajtohet me të, gjë që e mohoj Monika. Banorët në shtëpi janë ndarë në dy grupe, njëri me Ilirin dhe tjetri me Donaldin, teksa thumbat pas shpinës vazhdojnë për njëri-tjetrin./Express
