Pak ditë pas vrasjes së 25-vjeçarit shqiptar në Gjermani, mediat gjermane raportojnë se është vetëdorëzuar në polici autori i dyshuar 17-vjeçar. Bëhet me dije se i riu nga Këlni u dorëzua në polici mbrëmjen e të mërkurës. Ai dyshohet se ka vrarë 25-vjeçarin me një goditje me thikë në pjesën e sipërme të trupit. Një gjykatës njoftoi urdhrin ekzistues të arrestit për vrasje nga pakujdesia.
Pas hetimeve intensive nga komisioni i vrasjes, prokurori publik kishte aplikuar që të hënën në mbrëmje (1 nëntor) për një urdhër-arresti ndaj 17-vjeçarit dhe i kishte shtuar kërkimet. I riu aktualisht ndodhet në një qendër paraburgimi për të rinjtë. I akuzuari është shfaqur i heshtur dhe mund të përfaqësohet nga një avokat, ndërkohë vazhdojnë hetimet për rrethanat dhe motivin e krimit.
Grupi i hetimit është në kërkim të dëshmitarëve që mund të kenë parë sherrin mes dy të rinjve, pak minuta pasi shqiptari të vritej.
/JOQ Albania
