Ilir Beqiri, ish-konkurrent i “Big Brother” ishte ftuar në një lidhje me skype për ‘Ftesë në 5’, ku tha pohonte se burrat nuk janë të aftë të merren me pastrim apo gatim.
Në një moment gjatë bisedës ai zbuloi se gruaja i ishte futur në dhomë dhe po i rrinte te koka, ndaj nuk mund të fliste më aq lirshëm si më herët.
“Përgjigja ime do të jetë pak objektive sepse deri para një minute isha vetëm, kurse tani hyri Anisa në shtëpi… Kështu që duhet t’i mat shumë mirë fjalët. Në bazë të përgjigjes që jap tani, nesër mund të kem edhe një konsultë me avokatin”, tha me humor ai, duke ngacmuar kështu edhe avokat Ngjelën.
Kjo bisedë u nxit nga fakti se Iliri dhe Sabiani në ‘Big Brother Vip’ janë ankuar për punët dhe për pastërtinë brenda shtëpisë më të famshme në Shqipëri.
