Reality show “Big Brother VIP’ është një ndër programet televizive më të ndjekur të momentit. Shikueshmëria e këtij formati ka bërë që të komentohet në shumë aspekte dhe nga shumë personalitete të sferave të ndryshme.
Madje, nuk ka kaluar as pa vëmendjen e hoxhallarëve, të cilët po e konsiderojnë “haram”. Këtë shpeshherë e ka deklaruar edhe imami Labinot Maliqi.
“Natyrisht se këto emisione emetojnë kryesisht pamje epshore, prandaj natyrisht kjo tërheq shikueshmëri te njerëzit. Ata njerëz kanë shkuar aty për të shfaqur epshin e tyre, trupat e tyre, në njëfarë forme për t’u zhveshur…kështu ia shton vetes qëndrimin në atë shtëpi famëkeqe”, ka deklaruar ai.
“Çdonjëri që është bërë pjesë e asaj shtëpie të turpit, e ka qëllim çmimin që do të jepet në fund të emisionit. Përderisa ata bëjnë çmos për ta fituar atë çmim, edhe pagesa nuk është e pastër”, është shprehur ai ndër të tjera.
