Një tjetër media e huaj ka sjellë në vëmendje trazirat e ndodhura pas protestës së zhvilluar këtë të shtunë në selinë e Partisë Demokratike, të thirrur nga ish-kryeministri Sali Berisha.
‘Policia shqiptare hodhi gaz lotsjellës dhe ujë për të shpërndarë turmën ndërsa protestuesit qëllonin më gurë për të hyrë në selinë e Partisë Demokratike. Një tension i ashpër është zhvilluar mes rivalëve tashmë partiakë’, shkruan reuters.com.
Ndërsa pasqyron kaosin e ndodhur gjatë ditës së sotme ‘Reuters’ shkruan se protestuesit ishin mbështetës të ish-kryeministrit Sali Berisha i cili u përjashtua nga partia pasi Uashingtoni e shpalli non-grata.
Gjatë trazira mbështetësit e Berishës përdorën çekiç për të thyer dyert e reja të sigurisë metalike të instaluara në zyrë, gjithashtu u përdorën edhe shkallë për të mbërritur në katin e dytë të godinës.
