Kryetari i Partisë Demokratike ka dhënë pasditen e kësaj të marte dorëheqjen nga funksioni i kryetarit të PD-së. Përmes një deklarate për media nga selia blu, Basha theksoi se këtë vendim e ndërmerr për t’i hapur rrugë një procesi zgjedhur, pasi sipas tij demokratët janë të lodhur nga përçarja.
“Për këtë jam i bindur se ka nevojë të nisë sa më parë një proces analize për ripërtëritje dhe më pas një proces transparent i lirë dhe i drejtë nga baza në qendër për të gjitha funksionet. Demokratët janë të lodhur nga konflikti i brendshëm nga fushata dhe gjuha.
Mirënjohje të thellë për të gjithë simpatizantët dhe dua të them se këtë hap po e hedh. Me vendosmërinë e pathyeshme për të vijuar betejën me dhe për demokratët me dhe për Partinë Demokratike si e vetmja shpresë për shqiptarët për të mundur të keqen”, tha Basha.
Mesazhi i plotë
Thellimi i krizës që përjetojmë prej vitesh ka për shkak kryesor mungesën e një qeverisje të përgjegjshme dhe të llogaridhënies. 25 prilli ishte një goditje e rëndë për demokratët, për demokracinë dhe për shpresat e shqiptarëve për ndryshim, pas 8 vitesh premtimesh te pambajtura, korrupsion dhe tallje me dhimbjet dhe hallet e njerëzve. Sepse vetem nje qeveri qe vjen si vullnet i njerëzve mund të ngrihet në nivelin e halleve të tyre dhe të kuptoje e ofrojë zgjidhje reale per njerezit.
Nje qeveri e tillë, me program dhe ofertë konkrete u pengua nga masakra zgjedhore që ndali ndryshimin me 25 prill.
Shpresa per tu ringritur përmes një opozite të fortë ka marrë për fat te keq prej afro nje viti po kështu goditje të njëpasnjëshme. Perpjekjeve tona per tu ofruar shqiptarëve nje opozitë të tille, përmes denoncimeve dhe goditjes së korrupsionit qeveritar në komisionet hetimore të aferave korruptive dhe hetimit të 25 prillit i është mbivendosur një luftë e brendshme.
Personalisht investova gjithcka për nje zgjidhje që do ti shërbente edhe Partisë Demokratike edhe transparencës. Sot nuk dua të ndalem në cfarë ka ndodhur e si ka ndodhur, kush kishte të drejtë e kush ishte gabim, këtë jam i bindur se do ta qartësojë koha.
Fatkeqësisht, përpjekja ime për ta mbajtur PD të bashkuar nuk arriti sukses. Unë dhe shume demokratë u përballëm me një fushatë sulmesh te paparimta dhe te pavërteta që krijuan një frymë përcarje, dhe si rezultat sot Partia Demokratike po përjeton një krizë të thellë.
Për këtë arsye dhe për të ndihmuar Partinë Demokratike dhe demokratët të lënë mënjanë ndasitë joparimore, i vetëdijshëm për peshën që mora mbi vete, për atë që e kam quajtur vendimin tim më të vështirë politik, kam vendosur të hedh një hap pas duke u dorëhequr nga detyra e kryetarit të PD, me qëllim dhe i vendosur për të ndihmuar për ringritjen dhe bashkimin e demokratëve dhe Partisë Demokratike si shpresa e vetme për shqiptarët.
Kjo nuk është një tërheqje për rehati personale, por një nxitje më shumë që betejën tonë për një PD të së ardhmes ta bëjmë të gjithë bashkë të zhveshur nga çdo shpifje se kjo që ka ndodhur këto 6 muaj është bërë për karriken e kryetarit.
Ndaj dua sot ti them kujtdo që ka besuar dhe beson se PD duhet të shohë drejt të ardhmes, se unë jam dhe do jem tërësisht i angazhuar krah jush, do jem zëri juaj, nuk do ta braktis kurrë sakrificën tuaj, nuk do lodhem kurrë për t’u shprehur mirënjohjen, për sakrificat, mundin dhe kontributin tuaj, dhe me vendosmëri do bëj gjithçka, që ato të mos shkojnë dëm, por ti japin forcë vizionit tonë për një Parti Demokratike që zgjedh të ardhmen dhe i prin rrugës së shqiptarëve drejt saj.
Kjo do të thotë se unë do të vazhdoj pareshtur e pa u lëkundur të punoj, duke u përkushtuar me mish e me shpirt per këtë ringritje të Partisë Demokratike rreth vlerave, parimeve dhe standarteve tona si demokratë.
Për këtë jam i bindur se ka nevojë që të nisë sa më parë një proces vetëdijësimi, analize, përbashkimi parimor dhe ripërtëritje, e më pas një proces zgjedhor i hapur, transparent, i lirë dhe i drejtë, nga baza në qendër i gjithë lidershipit të PD.
Demokratët janë të lodhur nga konflikti i brendshëm, nga fushatat dhe gjuha denigruese, nga e cila dëmtohet Partia Demokratike dhe Shqipëria dhe përfiton vetëm Edi Rama dhe klika e tij.
Shqipëria meriton dhe do të ketë një Parti Demokratike të fortë, parimore, në krah të njerëzve, në krah të interesit qytetar dhe kombëtar dhe të aleatëve strategjikë, e gatshme per tu përballur dhe për të fituar mbi të keqen që i ka zënë frymën vendit, për të ardhmen e Shqipërisë dhe demokracisë.
Me mirënjohjen më të thellë për të gjithë ata që kanë qëndruar e qëndrojnë për një PD të vlerave kombëtare, qytetare dhe Euro-Atlantike, dua të siguroj të gjithë demokratët, simpatizantët, mbështetësit, dhe votuesit tanë se këtë hap e hedh në funksion të shërimit të plagëve të hapura padrejtësisht në mendjet dhe zemrat e demokratëve.
Me vendosmërinë e pathyeshme për të vazhduar betejën me dhe për demokratët, me dhe për Partinë Demokratike, si e vetmja shpresë për shqiptarët, për të mundur të keqen dhe për të ardhmen e Shqipërisë.
Lulzim Basha:
“Jemi vendosur për të ndihmuar PD si shpresa e vetme për shqiptarët. Kjo nuk është tërheqje [për reati personale por një nxitje më shumë për betejën ta bëjmë të gjithë bashkë. Dua që sot ti them kujdo që beson të ardhmen unë jam dhe do të jem i angazhuar krah jush, nuk do të braktis kurrë nuk do të lodhem kurrë për të shprehur mirënjohjen. Ti japim forcë vizionit tonë për një PD drejt të ardhmes së saj. Unë do të punoj duke u përkushtuar me mish e3 me shpirt për tu ngritur PD me vlera dhe standardeve tona si demokrat. Ka nevojë të nis procesi analize për bashkimin parimor, ripërtëritje. Proces i hapur zgjedhor nga baza deri në qendër. Demokratët janë të lodhur nga konflikti i brendshëm, prej të cilës ka përfituar vetëm Edi Rama. PD do të jetë më e fortë në krah të aleatëve strategjitjë për tu përballur mbi të keqen që i ka zënë frymën.
Demorkatët dhe votuesit tanë e hedh këtë hap në kuadër të shërbimit të plagëve të hapura të demorkatëve, për të vazhduar betejën me PD për të mundur të keqen për të ardhmen e Shqipërisë”
