Një debat i ashpër u zhvillua mbrëmjen e djeshme në emisionin ‘Open’ mes artistit Robert Aliaj dhe këngëtarit Ardit Çuni në lidhje me këngën pjesëmarrëse të Shqiprisë në ‘Eurovision’.
Ardit Çuni ishte pjesë e delegacionit shqiptar në Torino, ku u mbajt dhe festivali.
Çuni tha se për fitoret në “Festivalin e Këngës” të gjithë janë kontestuar, duke përmendur edhe Rona Nishliun. Aliaj tha se kurrë nuk ka kritikuar Nishliun, të cilën e quajti si “diva”, ndërsa shtoi se Shqipëria pati një paraqitje jo të denjë në “Eurovisionin” që lamë pas.
Pas debatit të ashpër me Robert Aliajn, Ardit Çuni braktisi emisionin.
Lajme të mira për këtë shenjë/ Parashikimi ditor i horoskopit, zbuloni surprizat që kanë rezervuar yjet për ju sot
Pjesë e debatit:
Ardit Çuni: Ai eshte produkt i nje pune te nje ekipi te tere dhe une nuk te lejoj jo ty por askend te ofendoje nje produkt qe kam hedhur djerse une dhe shume te tjere. Deri ketu, nuk lejoj te ofendoje.
Robert Aliaj: Më vjen keq që në këtë panel vijnë njerëz kaq të paformuar dhe krijojne nje debat kaq te ulet ne nivelin e asaj performance. Une po shkoj te pi nje kafe tani se…
Ardit Çuni: Unë po iki.
Robert Aliaj: E shoh shumë të ulët
Eni Vasili: Edhe iket njekohesisht. Berti mos ik të lutem, u largua Çuni, keshtu qe e leme me nje largim.
***
Ardit Çuni: Edhe për Rona Nishliun ashtu thatë…
Robert Aliaj: Mos flisni si skutha, i lini këto muhabete. Rona Nishliu ishte një diva, se kam sharë asnjëherë. Ka pasur edhe të tjerë. Rona shkëlqeu shumë, mbeti në memorien e shumë vendeve. Në atë finale Rona Nishliu u përmend si imazh. E përmendën edhe spikerat. Më erdhi mirë normal. Nuk është personale situata. Është më shumë tek unë një frustrim që vjen nga një 30-vjeçar tranzicioni. Aty s’bëhet asgjë pa pjesëmarrjen e politikës. Mos të themi që kjo këngë nuk ka qenë e kontestuar kur u shpall fituese. Unë s’do të doja që një festival si Kënga Magjike të merrte këtë.
Ardit Çuni: Të përgëzoj për skandalet që shkakton në televizionet që merr pjesë.
Robert Aliaj: Unë s’të njoh fare.
Ardit Çuni: Të shoh vetëm duke komentuar dhe festival si Kënga Magjike. Të përgëzoj që shan një koncert që ti vetë merr pjesë. Një pjesë e këngëtarëve kanë dalë nga Kënga Magjike.
Robert Aliaj: Të flasim me radhë… Unë nuk dua të merrem me njerëz anonim. Ne nuk kemi kulturë debati.
Ardit Çuni: Nuk e di për çfarë e ka fjalën zoti Aliaj. Ka përgjegjës dhe tituj në këtë delegacion.
Delegacioni drejtohet nga RTSH. Unë jam drejtor i medias në rastin konkret. Drejtorët janë pjesë e kontrollit të gjësë.
