Emisioni “Piranjat” në Abc i moderuar nga Arilena Ara dhe Florian Binaj, këtë të martë ka sjellë një rast që ndodh rëndom në Shqipërinë tonë të vogël, ku përndjekja shpesh kthehet në makth për vajzat dhe gratë.
“Piranja” Aida Topalli ka bërë vërtetë një punë për tu vlerësuar, pasi i ka shpëtuar jetën një 16-vjeçareje nga Fieri, e cila përndiqej dhe kërcënohej vazhdimisht nga Arturi, 37-vjeç.
16-vjeçarja ka rrëfyer për gazetaren tonë se ajo ndihet gjatë gjithë kohës e frikësuar, pasi Arturi e ndjek në çdo hap, madje shpesh e kërcënon se do t’i bëjë publike dhe videot, si dhe shpesh ka bërë edhe skandale para familjarëve të saj.
Por falë “Piranjave” por dhe Policisë së Fierit, është bërë i mundur arrestimi në flagrancë i Arturit, i cili pranon se ka folur me vajzën, por refuzon se e ka kërcënuar atë, edhe pse të gjithë e shohin dhe i lexojnë mesazhet kërcënuese.
