Efektivi i policisë Ludian Zaimi qëlloi me armën e shërbimit kolegun e tij Çaush Saliasi, 55 vjeç duke i shkaktuar vdekjen.
Pamjet e ngjarjes së rëndë të ndodhur mbrëmjen e së hënës brenda ambienteve të komisariatit nr.3 në kryeqytet u publikuan ekskluzivisht në emisionin ‘Sot’ në Euronews Albania.
Në video shihet se si 25-vjeçari Zaimi qëllon 6 herë me pistoletë në drejtim të kolegut të tij, i ulur në shkallët e komisariatit dhe tenton të largohet menjëherë nga vendngjarja.
Në pamjet e siguruara nga emisioni ‘Sot’ shihet se si njëri nga kolegët i merr armën efektivit 25-vjeçar duke e neutralizuar.
Më tej efektivët e tjerë shihen teksa e kapin nga krahët dhe e fusin menjëherë brenda ambienteve të komisariatit.
Ngjarja e rëndë ndodhi mbrëmjen e së hënës brenda ambienteve të Komisariatit nr. 3 në kryeqytet.
Zaimi qëlloi të paktën me 6 plumba ndaj Saliasit, i cili ndërroi jetë në spital pas plagëve të marra.
