Kardiologu Indrit Temali i ftuar këtë të martë në “Good Morning Albanians” dha disa këshilla për të përballuar më mirë të nxehtin ndërkohë që pushojmë në det.
Ai tha asnjëherë nuk mund të futemi në ujë direkt e të zhytemi ndërkohë që kemi qëndruar për një kohë të gjatë në diell.
Sipas mjekut një studim ka treguar se rritja e temperaturës më një gradë rrit me 4.5% shanset për vdekshmëri, jo më një ndryshim më i madh i temperaturave. Mjeku Temali këshilloi që kur të futemi në det,
fillimisht të lagim pjesët e trupit në mënyrë që ti japim mundësinë atij të përshtatet gradualisht me temperaturën e ujit.
“Statistikat tregojnë se në valët e të nxehtit, si këto që po përjetojmë, rritet vdekshmëria kardiake.
Për një gradë temperaturë ka studime që tregojnë se rritet me 4.5% vdekshmëria nga sëmundjet e zemrës, për çdo një gradë rritje temperature, imagjinoni një rritje mbi 40, që i bie disa gradë. Jo vetëm vdekshmëria, por edhe incidenca, propabiliteti për të pasur goditje në zemër është më i madh”,-tha për Euronews Albania kardiologu Indrit Temali.
