VAJTIM NËNE – NGA ANDREA VANGJELI
Ku ti derdh lotët më thuaj
O bir s”më gjendet karari
Se ti ike dhe mu zhduke
Dhe askund s”të gjendet varri
Humbja jote më goditi
Si tërmeti shtatë ball
Sa do që lutem e lutem
Dua veç të më jesh gjall
Të përpiu toka a deti
Nëna po pyet nga halli
Se kaluan shumë vite
Dhe më trete përsë gjalli
Më mirë një dhimbje të tmershme
Të vij e zemrën ta shkund
Se kështu nuk duroj më
Me këtë dhimbje pa fund
S”kam ç”bëj nëse ke vdekur
Dua trupin të ma sjellin
Që dhe ti te kesh një varr
Për mbi të te nxier vrerin
Se nëna të ka të vetëm
Ti je syri i shtëpis
Në s”je gjall ta dua varrin
Se me lot do te vadis
Loading...
