Gazetarja Dorjana Bezat bën me dije për “BalkanWeb” se shtetasi D.H. pronari i mjetit është një mjek kirurg në QSUT. Referuar burimeve policore, dyshohet se tritoli në mjetin e mjekut është vendosur për shkak të profesionit të tij.
Blutë e Tiranës po hetojnë për ndonjë konflikt të mundshëm ku mund të jetë përfshirë, ndërsa po mblidhen kamerat e sigurisë në zonën ku ndodhi ngjarja.
Më herët policia sqaroi se në makinë ishte vendosur një sasi të vogëltritoli, nga shpërthimi i të cilës janë shkaktuar dëme të vogla materiale në pjesën e pasme të mjetit.
NJOFTIMI I POLICISE
Informacion paraprak
Rreth orës 20:40, në rrugën “Belul Hatibi” në një mjet të parkuar, në pronësi të shtetasit D.H., është vendosur dhe ka shpërthyer një sasi e vogël lëndë e dyshuar plasëse, duke shkaktuar dëme të vogla materiale në pjesën e pasme të mjetit.
Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit.
(BalkanWeb)
