Replika të ashpra ditën e djeshme në Kuvend mes deputetit të PD Klevis Balliu dhe ministres së Mbrojtjes Olta Xhaçka.
Parlamentarët ashtu siç e kanë bërë zakon, nuk kanë lënë as këtë herë, pa përmendur familjarët në seancën plenare.
Balliu i revoltuar i tha Xhaçkës se nuk lejon askënd t’i përmendë motrën ndërsa lëshoi një akuzë të fortë ndaj nënës së minsitres por as kjo e fundit nuk ia la “mangët”.
BALLIU për ministren: Vajza e Natasha Xhackës e kërkuar për birësime të paligjshme. Deri te Fariu ua kam lejuar, meqë ai merret me ju, merruni dhe ju me të, është “fairplay” por jo me motrën, aty është “offlimit”. Bëni mirë mos ta kruani aty se ka tjetër përgjigje për Xhaçkën e gjithë të tjerët.
XHAÇKA: O keni folur ju familjarisht me të bëra e të pabëra për familjet e tjera duke futur hundët, o s’e ka bërë njeri. Sa për nënën time djalë, ti i ke buzët me qumësht të dish ca ka bërë ajo, matu kur ta përmendësh.
Me ato ‘dacibaot’ e babit tat mos hajde këtu se nuk flitet kështu në Parlament, more vesh? Ti je shumë i vogël, ti, ti je i fundit, për të bërë histori. Në Parlament nuk flitet sikur të ka zënë barku rrugës, laj gojën.
