Është organizuar sot në ambjentet e Hotel New York një Takim Poetik “Në nderim të Fatos Arapit” me inisiativën e nje grupi artistësh dhe poetësh të qytetit të Vlorës.
Në këtë aktivitet në kujtim të poetit Fatos Arapi u interpretuan poezi nga krijimtaria e tij,kujtime si dhe dorëshkrime të vetë poetit.
E vecanta e këtij aktiviteti ishte analiza e poezive para interpretimit nga profesoresha e Gjuhë-Letërsisë Lejla Gorishti e cila ju jepte të pranishmëve nje tablo të poezisë së Arapit.
Aktorët e Teatrit“Petro Marko” Vladimir Abili,Matilda Avduli,Ilirian Ali, poetet Anila Toto,Anila Ahmataj,Lela Qejvani ,si dhe mjeshtri Aulon Naci i cili shoqëroi aktivitetit me muzikën e tij, përcollën plot ndjenjë dhe emocion për pjesmarrësit poezinë e Fatos Arapit,këtij thesari të poetikës dhe letërsisë sonë!
Aktiviteti u prit ngrohtë dhe me duartrokitje nga të pranishmit dashamirës të poezisë,artëdash,poetë të qytetit,qytetarë të thjesht që e duan poezinë dhe të bukurën.Midis të pranishmëve,e nderoi aktivitetin me pjesmarrjen e tij regjisori i Teatrit”Aleksandër Mojsiu”Durrës Bashkim Hoxha: “…Të paktën o Zot akoma jemi njerez
Respektojmë dallandyshet edhe vdekjen…”
Kënaqësi e rrallë që isha i pranishem sot në Vlorë në një takim poetik me krijimtarinë e Fatos Arapit – U shpreh Hoxha
Të respektojmë,kujtojmë dhe nderojmë poetët tanë,ata që kanë lënë kaq shumë pasuri për Shqipërinë dhe shqiptarët,artin e tyre të artë!
Ky ishte qëllimi i këtij aktiviteti te bukur dhe mbresëlënës!-M.A-laberianews
