NASA thotë se një lëmsh i madh zjarri shpërtheu në atmosferën e Tokës në muajin dhjetor është shpërthimi i dytë më i madh i këtij lloji në 30 vjet, dhe më i fuqishmi që nga episodi i Chelyabinsk-ut në Rusi gjashtë vjet më parë.
Trupi qiellor shpërtheu me një energji 10 herë më të fortë sesa ajo e lëshuar nga bomba atomike e Hiroshimës, sipas eksperteve të NASA-s, një lëmsh i tillë i zjarrtë i këtyre përmasave mund të pritet vetëm dy apo tre herë çdo 100 vjet.
Asteroidi ka hyrë në atmosfere pasditen e 18 dhjetorit, me orën lokale, me një shpejtësi prej 32 km/s dhe një pjerrësi trajektoreje prej 7 gradësh.
Shkëmbi hapësinor, me një madhësi që shkonte në disa metra, ka shpërthyer 25.6 km mbi sipërfaqen e Tokës, me një energji qe llogaritet ne 173 kilotone.
Shpërthimin e kanë diktuar satelitet ushtarake; per ngjarjen, NASA u njoftua nga Forcat ajrore të Shteteve të Bashkuara.
