Zbulohet një shpellë në Kanada. Mendohet se ka një madhësi të jashtëzakonshme duke pasur parasysh se vetëm hyrja e saj është mbi 60 metra e gjerë dhe gjithashtu ekziston ideja se deri më sot askush nuk ka vënë këmbë në brendësi të saj.
Shpella gjendet në Wells Gray Provincial Park, në British Columbia, por lokalizimi i saktë nuk bëhet i ditur, pasi mund të jetë një trashëgimi e paprekur historike
Vetëm hyrja është e gjatë 100 metra dhe aktualisht bëhet e ditur se janë përshkuar nga indigjenët e zonës vetëm 80 metra, pasi më tej ishte e pamundur për shkak të ujëvarave në muret shkëmbore, të cilat lëshojnë rreth 15 metër kub ujë në sekondë. Mendohet se në thellësitë e saj vërshon një lumë nëntokësor.
Gropa e thellë e hyrjes aktualisht është pagëzuar me emrin Sarlacc Pit, në nder të një përbindëshi imagjinar te Lufta e Yjeve. Zbuluesit e saj mendojnë se kjo mund të jetë një ndër shpellat më të mëdha ekzistuese në Kanada, por ende nuk njihet përmasat dhe shtrirja e saj nëntokësore./njekomb
