Gazment Bardhi: “Parlament me vota fallco, qeveri fallco, kryeministër fallco! Shteti i Ramës ka marrë fund! Ne jemi shumica morale dhe politike!”

Sekretari i Përgjithshëm i Partisë Demokratike, Gazment Bardhi ka reaguar pas protestes se opozites duke theksuar se ministri i Brendshëm, Sandër Lleshaj, “sajoi skenarë me djegie makinash fallco e policë “të dhunuar” për të mbuluar frikën e shefit të tij të vetmuar”.

“Janë të tmerruar nga bashkimi i shqiptarëve! S’u mjaftoi gazi helmues dhe uji me presion i përdorur në mënyrë kriminale kundër qytetarëve.

Turp! Llesh Kimiku sajoi skenarë me djegie makinash fallco e policë “të dhunuar” për të mbuluar frikën e shefit të tij të vetmuar.

Pas grabitjes në Rinas, djegia e makinës fallco dhe policë “të dhunuar” është “suksesi” i dytë i Llesh Kimikut në 3 ditë.

Parlament me vota fallco, qeveri fallco, kryeministër fallco! Shteti i Ramës ka marrë fund! Ne jemi shumica morale dhe politike! Nuk ka kthim pas”, shkruan Bardhi ne rrjetet sociale.