Kryetarja e LSI, Monika kryemadhi, ka shpërndarë në Facebook një video nga momentet e protestës së djeshme të opozitës, ndërsa e ka shoqëruar me një mesazh për qeverinë.
Ajo shprehet se Edi Rama dhe familja e tij politike kanë dështuar, ndërsa shumë shpejt do të japë llogari para drejtësisë.
“Falenderoj të gjithë shqiptarët që duan të ndryshojnë.
Kjo është protestë e shqiptarëve! E grave, e vajzave, e të rinjve, dhe gjithë atyre që duan të ardhmen në Shqipëri.
Shqiptarët treguan që Edi Rama ka dështuar me familjen e tij politike, me ekonominë shqiptare, me drejtësinë shqiptare, me të ardhmen e shqiptarëve.
Ky njeri i dështuar që për karrigen e tij helmon, dhunon dhe arreston qytetarë të pafajshëm, gazetarë, të rinj, të reja, burra e gra, shumë shpejt do të japë llogari para drejtesisë.
Asnjë hap pas!
Shqipëria është shtëpia e shqiptarëve të cilët ndërtojnë të ardhmen e fëmijëve të tyre.”
