Prodhuesit shqiptarë të verës po tregojnë interes të veçantë për t’u bërë pjesë e “Interwine”, që është ekspozita më e madhe dhe më e vjetër profesionale e verës në Kinë, e cila organizohet dy herë në vit, sesioni i pranverës dhe vjeshtës.
Ekspozita prej tre ditësh, me një sipërfaqe ekspozimi prej 50.000 m2, tërheq ekspozues nga 52 vende dhe më shumë se 50.000 vizitorë profesionistë dhe grupe blerësish. Interwine është më shumë se një ekspozitë 3-ditore, është një platformë për kantinat, importuesit, shpërndarësit, shoqatat tregtare dhe degustatorët nga e gjithë bota për të ngritur rrjetëzimin e tyre në Kinë, pjesë e së cilës ka interes të jetë edhe biznesi shqiptar.
Ekspozita Interwine – International Wine & Spirits, e themeluar në vitin 2005, është mbajtur për 21 seanca me arritje të jashtëzakonshme dhe njohje të lartë.
Ky event ofron mundësi të ndryshme për blerësit për të takuar prodhuesit kryesorë nga e gjithë bota duke marrë pjesë në të gjitha llojet e ngjarjeve profesionale. Ai sjell shumë mundësi biznesi për prodhuesit e verës që janë të prirur për të hyrë në tregun kinez dhe lehtësuar bashkëpunimin me partnerët e tyre kinezë. Gjithashtu, për të zbuluar mbi 10.000 marka të ndryshme të verës. /atsh
