Mbërrin sot në Rinas trupi i pajetë i Major Klodian Tanushit

Mbërrin sot në Tiranë nga Letonia, trupi i majori Klodian Tanushit, i cili ndërroi jetë prej plagëve të shumta, shkaktuar nga shpërthimi i një mine gjatë misionit të tij me forcat e NATO.

Ministria e Mbrojtjes njoftoi se trupi i pajetë i major Klodian Tanushi, që ra në krye të detyrës gjatë misionit të NATO në Letoni, mbërrin në ora 12.45, me avion ushtarak dhe do të pritet me ceremoni e nderime në pjesën ushtarake të aeroportit “Nënë Tereza”.

Homazhet për Dëshmorin e Atdheut major Klodian Tanushi dhe më pas Ceremonia Shtetërore, do të zhvillohen ditën e enjte, datë 16 maj, ora 10:00 – 12:00, tek Muzeu Historik Kombëtar

Menjëherë pas përfundimit të ceremonisë shtetërore, arkivoli me trupin e major Tanushit do të vendoset në shtrat topi dhe të përcillet në Varrezat e Dëshmorëve në Tiranë, ku do t’i jepet lamtumira e fundit.