Shpërthen në ecje automjeti, shpëton drejtuesi

Një shpërthim i fuqishëm ka ndodhur mesditën e sotme në afërsi të TEG-ut në Tiranë si pasojë e të cilit është përfshirë nga flakët një automjet.

Fatmirësisht nga kjo ngjarje nuk ka pasur dëmtime në njerëz por vetëm dëme materiale.

Mësohet se shpërthimi ka ardhur si pasojë e një defekti teknik.

Ai ka shkaktuar shtëllunga tymi në zonë duke sjellë edhe bllokimin e qarkullimit të mjeteve në këtë aks rrugor.

Policia ka mbërritur në vendngjarje dhe po punon për zbardhjen e plotë të saj.