Agjencia Kombëtare e Ujësjellës Kanalizimeve dhe Infrastrukturës së Mbetjeve bën të ditur se, strategjia e investimeve 2019- 2021, parashikon mbulimi 24 orë me ujë dhe rehabilitimin e plotë të infrastrukturës të ujërave të zeza, për të mbështetur zhvillimin e qëndrueshëm të turizmit, sektor strategjik për ekonominë e vendit.
Sot Këshilli Teknik i AKUM miratoi studimprojektimet për vijën bregdetare të Shqipërisë, me synimin mbulimin me investime në sektorin e ujësjellës kanalizimeve.
Vija bregdetare e Shqipërisë, me një botë të pasur nënujore, duhet ruajtur dhe do të mbështetet me investime, për ruajtjen dhe garantimin e cilësisë, si dhe shmangien e ndotjes së ujërave detare, ruajtjen e shëndetit të qytetarëve dhe mbrojtjen e mjedisit./atsh
Loading...
