Partia Demokratike kërkon që Edi Rama të merret i pandehur për shkeljen e ligjit.
Në një deklaratë për mediat, Enkelejd Alibeaj është shprehur se Edi Rama akuzohet për një vepër penale që dënohet nga 1 deri në 3 vite burg.
‘Përgjimi ku Edi Rama bisedon me Arben Keshin dhe më pas ai jep porositë e paligjshme për votat është shkelje e Kodit Penal 328/a parashikon ndalimin e përdorimit të një punonjësi që kryen një detyrë shtetërore qe e përdor.
Është kryeministri i vendit, funksionari më i lartë që përdor burime njerëzore me qëllim favorimizin e partisë së tij në zgjedhje.
Kjo vepër dënohet me burg nga 1 në 3 vjet. Rama përdor një drejtor në Ministrinë e Brendshme për votat e partisë së tij.
Ky nen është totalisht i konsumuar nga shtetasi Edi Rama dhe shtetasi Arben Keshi’, tha Alibeaj.
