Hapja e portës së kanalit ka shtuar prurjet në hidrocentral dhe për pasojë niveli i ujit është rritur tej normës së lejuar.
Për momentin “Bistrica 2” është jashtë funksionit, ndërsa për shtetasit V. R., 51 vjeç dhe N. R., 66 vjeç, që akuzohen për ngjarjen, janë referuar materialet në Prokurori për veprën penale “Shkatërrimi i pronës me përmbytje”.
Njoftimi i policisë
Policia ka arrestuar shtetasit V. R., 51 vjeç, banues në Finiq dhe N. R., 66 vjeç, banues në Delvinë, pasi:
Më datë 03.07.2019, në vendin e quajtur “Mesopotam i Sipërm” Finiq, këta shtetas në bashkëpunim me njëri-tjerin dyshohet se kanë hapur portën e kanalit ujitës duke përmbytur kështu Hidrocentralin “Bistrica 2”.
Si rrjedhojë, momentalisht ky Hidrocentral është jashtë funksionit.
Materialet iu referuan Prokurorisë në ngarkim të tyre për veprën penale “Shkatërrimi i pronës me përmbytje”.
