Furnizim cilësor me ujë të pijshëm për banorët e Sarandës

Rreth 17,000 banorë lagjeve “Baba Rexhepi” dhe “Lugu i Dardhës” në Sarandë, do të përfitojnë ujë të pijshëm sipas parametrave më të mirë kimikë dhe fiziko-bakteriologjikë.

Ka përfunduar puna për ndërtimin e stacionit të pompimit, ndërtimin e depos 50 m³
dhe ndërtimin e rrjetit elektrik TU dhe TM për furnizimin e depos 2000 m³.

Projekti financohet nga qeveria shqiptare dhe zbatohet nga Fondi Shqiptar i Zhvillimit në kuadër të programit për “Investimet prioritare me impakt në turizëm”.

Ndërkohë po punohet për lidhjen me energjinë elektrike dhe vënien në punë të pompës, që do të pasohet nga një periudhë testimi për t’u siguruar që gjithçka funksionon si duhet./atsh